იმპულსების სიმძლავრის 15 დონე კომბინირებულია განაწილებული ზემოქმედების სამიმპულსიან სისტემასთან, რომელიც შეიცავს თმის მოსაშორებლად საჭირო სამივე ეფექტური სიგრძის ტალღას (ალექსანდრიტი - 755 ნმ, დიოდი - 810 ნმ, ნეოდიუმი - 1064 ნმ), რაც აპარატს ხდის მნიშვნელოვნად ეფექტურს სხვა აპარატებთან შედარებით, ასევე საშუალებას იძლევა გადაიჭრას ჩაზრდილი და ბუსუსა თმის პრობლემაც.

აპარატის 95% ავტომატიზირებულია. SMART 5.0 სისტემა საშუალებას იძლევა, რომ აპარატმა შეასრულოს პრაქტიკულად სრული სამუშაო. ოპერატორს აღარ სჭირდება რთული პარამეტრების შერჩევა, რომელიც დამოკიდებულია კანის და თმის ტიპზე, მგრძნობელობაზე და ა.შ. ყველაზე გამოცდილი სპეციალისტიც კი არ არის დაზღვეული შეცდომისგან. ამიტომ, აპარატი თავიდან აგაცილებთ შეცდომებს, რომლებმაც შეიძლება გამოიწვიონ დამწვრობა ან პროცედურის არაეფექტურობა.

უსაფრთხოება და უმტკივნეულობა. KAISER COOLING PRO სისტემის წყალობით, ეპილაციის პროცედურის დროს აღარაა საჭირო სპეციალური გამაგრილებელი გელი, დამწვრობის რისკი შემცირებულია 99%-ით. ამ სისტემის და სხვა ტექნოლოგიური ინოვაციების წყალობით ეპილაციის პროცედურა ტარდება პრაქტიკულად უმტკივნეულოდ.

განსაკუთრებული აქცენტი გაკეთდა წვრილმანებზე. ოპერატორის სამ განზომილებაში მოძრავი ეკრანი, მანიპულის მილების ცვეთისგან დამცავი სპეციალური მექანიზმები, მანიპულის ფიზიკური დაზიანებისგან დამცავი სპეციალური დამცავი სისტემა და სხვა მრავალი, რაც განასხვავებს ნამდვილად მაღალი ხარისხის აპარატს სხვა დანარჩენებისგან.

თითოეული პროცედურის სრული ანგარიში. ყოველი პროცედურის შემდეგ აპარატი იძლევა სრულ ინფორმაციას გახარჯული იმპულსების, პროცედურის დროისა და თარიღის, ოპერატორის სახელის, შესრულებული პროცედურის და სხვა პარამეტრების, ასევე შემდეგი ვიზიტის შესახებ. ასევე, ყველა ეს მონაცემი ინახება აპარატში.

5 წლიანი გარანტია. 24/7 მომსახურების სერვისი. სარემონტო სამუშაოების დროს გათვალისწინებულია სათადარიგო აპარატი დროებით სარგებლობაში, იმისათვის, რომ არ იზარალოს თქვენმა ბიზნესმა არც ერთი წუთით. აპარატის შეკეთების მაქსიმალური დრო 24 საათია.

არაკეთილსინდისიერი მოხმარების თავიდან ასაცილებლად KAISER LASER-ში ჩაშენებულია სამდონიანი დაცვის სისტემა იმპულსების ეკონომიის მიზნით, იმისათვის, რომ კლიენტმა ყოველთვის გარანტირებულად მიიღოს სტანდარტიზირებული მაღალი ხარისხის პროცედურა, მომსახურების ადგილის მიუხედავად.

უახლესი ტექნოლოგიების და მეცნიერების სფეროში არსებული მიღწევების გამოყენების გამო, KAISER LASER-ით ეპილაციის ვიზუალური შედეგი შესამჩნევია უკვე მეორე პროცედურის შემდეგ.

ელექტროენერგიის შეფერხებისა და ცვალებადი ძაბვისგან დაცვის ჩაშენებული სისტემა დამატებით დაიცავს თქვენს აპარატს, ასევე თქვენს მომხმარებელს - პოტენციური დამწვრობისგან, რაც ძაბვის მკვეთრი მომატების დროს, მანიპულაზე სიმძლავრის გაზრდასთანაა დაკავშირებული.

აპარატის შეძენის შემდეგ თქვენ გეძლევათ შესაძლებლობა უფასოდ შეასწავლოთ თქვენს სპეციალისტებს ჩვენთან. თქვენ იღებთ სრულ მარკეტინგულ და იურიდიულ დოკუმენტაციას, რაც აუცილებელია თქვენი საქმიანობის წარმატებული მართვისთვის; ასევე, იღებთ ჩვენს მუდმივ თანამეგზურობას და მხარდაჭერას ბიზნესთან დაკავშირებულ ყველა საკითხში. თქვენ იღებთ შესაძლებლობას მოგვმართოთ ნებისმიერ დროს ნებისმიერ საკითხზე.

ხელშეკრულება და მასთან დაკავშირებული ყველა ანგარიშსწორება ხდება ლარში და ევროს კურსი მასზე გავლენას არ ახდენს. თქვენ არ გემუქრებათ ვალუტის არასტაბილურობის გამო ყოველთვიური გადასახადის მერყეობა, რითაც საშუალება გეძლევათ დაგეგმოთ თქვენი შემოსავალი გრძელვადიანი დროით.